Mambo Gani Ya Kumfanyia Mtoto Anapozaliwa?
SWALI:
Assalam aleykum warahmatullah wabarakatuh. Naombeni anayejuwa dua, unapojifungua siku hiyo na mtt apewe nini kabla hajanyonya? mimi sijui nasikia kuna dua rasmi na kuna kitu anapewa mtt kwa ajili ya kinga za dunia.
JIBU:
AlhamduliLLaah Himidi Anastahiki Allaah (Subhaanahu wa Ta’aala) Rabb wa walimwengu, Swalaah na salamu zimshukie Nabiy Muhammad (Swalla Allaahu 'alayhi wa aalihi wa sallam) na Swahaba zake (Radhwiya Allaahu 'anhum) na waliowafuata kwa wema mpaka Siku ya Mwisho.
Wa 'Alaykumus Salaam wa RahmatuLLaahi wa Barakaatuhu
Wanachuoni wanaeleza kuwa hakuna du'aa maalum iliyopokelewa kuhusu mtoto anapozaliwa.
Isipokuwa wanasema kuwa mtu akipenda anaweza kumuombea mtoto du'aa yoyote njema za salama, makuzi mema na uongofu.
Yaliyothibiti kufanyiwa mtoto baada ya kuzaliwa
Kumfanyia Tahniyk
Jambo lililothibiti kufanyiwa mtoto anapozaliwa ni kupendezwa kufanyiwa tahniyk na kumuombea du'aa.
Tahniyk ni kumlambisha mtoto kitu kitamu kama kuitafuna tende ilainike na kumlambisha au hata asali.
Amesimulia Abuu Muwsaa (Radhwiya Allaahu 'anhu):
"Nilipata mtoto wa kiume, nikampeleka kwa Mtume (Swalla Allaahu 'alayhi wa aalihi wa sallam). Akampa jina la Ibraahiym na akamfanyia tahniyk kwa baadhi ya tende na kumuombea baraka na kunirejeshea."
[Al-Bukhaariy na Muslim]
Kumpa Mtoto Jina Siku Ya Kwanza Au Ya Saba
Kadhaalika, inafaa kumpa jina mtoto siku ya kwanza au siku ya saba wakati anapofanyiwa 'Aqiyqah.
'Aqiyqah ni kumchinjia siku ya saba baada ya kuzaliwa, mtoto wa kiume kondoo au mbuzi wawili, na ikiwa ni mtoto wa kike anachinjiwa kondoo au mbuzi mmoja.
Tumeona hapo juu ushahidi wa kumpa mtoto jina siku ya kwanza anapozaliwa, na vilevile ushahidi mwengine ni huu:
Inasimuliwa kuwa Anas (Radhwiya Allaahu 'anhu) amesema: Mtume (Swalla Allaahu 'alayhi wa aalihi wa sallam) amesema:
"Alizaliwa mtoto kwangu wa kiume usiku huu na nikampa jina la baba yangu Ibraahiym (Nabiy Ibraahiym 'Alayhis-Salaam)."
[Muslim]
Imesimuliwa kuwa 'Aaishah (Radhwiya Allaahu 'anhaa): Mtume (Swalla Allaahu 'alayhi wa aalihi wa sallam) aliwafanyia 'Aqiyqah Al-Hasan na Al-Husayn katika siku ya saba, na akawapa majina."
[Al-Haakim, Ibn Hibbaan, na Ibn Hajar kasema ni sahihi katika Fat-hu Al-Baariy, mj. 9, uk. 589]
Kumfanyia Mtoto 'Aqiyqah Na Kumtahiri
Maelezo kuhusu 'Aqiyqah ni marefu na yanapatikana hapa kwenye kiungo chini:
'Aqiyqah Anayofanyiwa Mtoto Mchanga Katika Sunnah
Kutahiri
014-Swahiyh Fiqhis-Sunnah: Kutahiri
Hayo ndio mambo muhimu ya kumfanyia mtoto anapozaliwa.
Kuhusu majina ya kumpa mtoto, hapa chii kuna faida zaidi:
Na Allaah ni Mjuzi zaidi.