Nini Maana Ya Jina La Thaurat, Rumaytha, Rumaysa, 'Aaswif, 'Aaswim, Nurfan na Nasfar

Maswali: Uzazi - Malezi

SWALI:

Assalam alaykum,

Nimependa jina la Thaurat lakini silielewi maana yake. Kwaiyo naomba kujua maana ya jina hili. Aidha ningependa kujua kwamba Thaurat na Thauhat ni sawa au yana maana tofauti.

Pia naomba maana ya majina-Rumaitha na Rumaysah, Asif na Asim, Nurfan na Nasfar.

Wasaalam alaykum

JIBU:

Sifa zote njema Anastahiki Allaah Aliyetukuka Mola wa walimwengu wote, Swalah na salamu zimshukie kipenzi chetu Mtume Muhammad (Swalla Allaahu ‘alayhi wa aalihi wa sallam) na Swahaba zake (Radhiya Allaahu ‘anhum) na watangu wema mpaka Siku ya Mwisho.

Shukrani zetu za dhati kwa swali lako kuhusu maana ya baadhi ya majina. Majina yenyewe ni kama yafuatayo:

Namba	Jina	Jinsiya	Maana
1	Thaurah		Mapinduzi
	Tharwah	Mvulana/ Msichana	Huenda jina la kwanza likawa ni Tharwat badala ya Thaurat. Hili lina maana ya utajiri.
2	Thauhat		Jina hili halipo katika majina ya Kiarabu, huenda akawa amekosea kimaandishi.
3	Rumaythah	Msichana	Jina la zamani la Kiarabu – halina maana yoyote ile.
4	Rumayswaa’	Msichana	Huyu alikuwa Swahabiyah mtukufu aliyebashiriwa pepo na Mtume (Swalla Allaahu ‘alayhi wa aalihi wa sallam). Alikuwa mama yake Anas bin Maalik (Radhiya Allaahu ‘anhu). Na maana yake ni shada la maua.
5a	Asif	Mvulana	Msamaha
5b	‘Aasif	Mvulana	Waziri muweza
6	‘Aaswim	Mvulana	Anaye jiepusha na maasi na ‘Asim ni mlinzi.
7	Nurfan		Jina hili halipo katika majina ya Kiarabu, huenda akawa amekosea kimaandishi.
8	Nasfar		Jina hili halipo katika majina ya Kiarabu, huenda akawa amekosea kimaandishi.

Na Allaah Anajua zaidi