Kumuita Aliyefariki ‘Marehemu’ Haijuzu
Al-Lajnah Ad-Daaimah
Je, Inafaa Maiti Kuitwa Marehemu?
SWALI:
Je, inafaa kumtaja mtu aliyefariki kwa kusema Marehemu (ambaye amerehemewa) fulani au fulani, kama mfano kusema: “Marehemu baba yangu?”
JIBU:
Haifai kabisa kumtaja aliyefariki ‘Marehemu’ au ‘Marhuwm’ bali atajwe: “Fulani Allaah Amrehemu.” Hivi kwa sababu kusema ‘Marehemu’ ni sawa na kusema kuwa aliyefariki ameshateremshiwa rahmah za Allaah (Subhaanahu wa Ta'aalaa) na hali hakuna mtu yeyote anayejua jambo hili isipokuwa Allaah (Subhaanahu wa Ta'aalaa).
Wa biLLaahi At-Tawfiyq. Swalaah na salaam kwa Nabiy Muhammad (Swalla Allaahu 'alayhi wa aalihi wa sallam) na ahli zake na Maswahaba zake.
[Al-Lajnah Ad-Daaimah Lil-Buhuwth Al-‘Ilimiyyah, Swali Namba (6360)]
Tanbihi:
Kuna Wanachuoni kama Imaam Ibn 'Uthaymiyn (Rahimahu Allaah) wanaoona inafaa kumuita maiti 'Marehemu', lakini kauli yenye nguvu ni hiyo juu ya Al-Lajnatud-Daaimah.