الضُّحى
093-Adhw-Dhwuhaa
093-Adhw-Dhwuhaa: Utangulizi Wa Suwrah
بِسْمِ اللَّـهِ الرَّحْمَـٰنِ الرَّحِيمِ
وَالضُّحَىٰ ﴿١﴾
1. Naapa kwa dhuha (jua linapopanda).[1]
وَاللَّيْلِ إِذَا سَجَىٰ ﴿٢﴾
2. Na kwa usiku unapotanda kiza na kutulia.
مَا وَدَّعَكَ رَبُّكَ وَمَا قَلَىٰ ﴿٣﴾
3. Rabb wako Hakukutelekeza na wala Hakukuchukia.[2]
وَلَلْآخِرَةُ خَيْرٌ لَّكَ مِنَ الْأُولَىٰ ﴿٤﴾
4. Na bila shaka Aakhirah ni kheri zaidi kwako kuliko ya awali (dunia).
وَلَسَوْفَ يُعْطِيكَ رَبُّكَ فَتَرْضَىٰ ﴿٥﴾
5. Na bila shaka Rabb wako Atakupa na utaridhika.
أَلَمْ يَجِدْكَ يَتِيمًا فَآوَىٰ ﴿٦﴾
6. Je, kwani Hakukukuta yatima, Akakupa makazi?
وَوَجَدَكَ ضَالًّا فَهَدَىٰ ﴿٧﴾
7. Na Akakukuta hujui lolote (kuhusu Kitabu wala imaan), kisha Akakuongoza?
وَوَجَدَكَ عَائِلًا فَأَغْنَىٰ ﴿٨﴾
8. Na Akakukuta mhitaji, Akakutosheleza?
فَأَمَّا الْيَتِيمَ فَلَا تَقْهَرْ ﴿٩﴾
9. Kwa hivyo basi yatima usimuonee.
وَأَمَّا السَّائِلَ فَلَا تَنْهَرْ ﴿١٠﴾
10. Na ama mwombaji, basi usimkaripie.
وَأَمَّا بِنِعْمَةِ رَبِّكَ فَحَدِّثْ ﴿١١﴾
11. Na ama Neema ya Rabb wako, basi ihadithie.[3]
[1] Dhuhaa:
Ni wakati wa mwanzo wa mchana jua linapopanda, au mchana wote kwa mkabala wa usiku.
[2] Sababun-Nuzuwl (Sababu Ya Kuteremshwa) Aayah Au Suwrah:
Bonyeza kiungo kifuatacho:
[3] Kutambua Na Kushukuru Neema Za Allaah (سبحانه وتعالى):
Zinajumuisha neema za Dini na za kidunia. Elezea yaani, mhimidi na msifie Allaah kwazo kwa kuzitaja makhsusi ikiwa kuna faida kufanya hivyo. Vinginevyo, elezea Neema za Allaah kwa ujumla, kwani kwa kuzielezea huko, kunamfanya mtu kuendelea kushukuru zaidi, lakini pia kunazisukuma nyoyo kumpenda zaidi Allaah Mneemeshaji, kwani kawaida ya maumbile ya nyoyo za binaadam ni kumpenda yule anayezifadhili na kuzitendea wema. [Tafsiyr As-Sa’diy]
Na hakika Neema za Allaah (سبحانه وتعالى) ni nyingi mno wala hawezi mtu kuzitafakari zote na kuzihesabu kama Anavosema:
وَآتَاكُم مِّن كُلِّ مَا سَأَلْتُمُوهُ ۚ وَإِن تَعُدُّوا نِعْمَتَ اللَّـهِ لَا تُحْصُوهَا ۗ ﴿٣٤﴾
Na Akakupeni kila mlichomuomba. Na mkihesabu Neema za Allaah hamtoweza kuziorodhesha hesabuni. [Ibraahiym (14:34)]
Rejea Suwrah hiyo ya Ibraahiym (14:34) kwenye uchambuzi wa Neema za Allaah za mbinguni, ardhini, nafsini na kadhaalika pamoja na faida nyenginezo na rejea mbalimbali.
Na bonyeza viungo vifuatavyo kupata duaa za kukiri na kushukuru Neema za Allaah (عزّ وجلّ), kuomba kutokutoweka neema hizo na kuomba kuzidishiwa: