SWALI:
Je kuna tofauti ya maana katika maneno haya Ndoa na Harusi
Natanguliza shukrani zangu kwa Mwenyezi Mungu Subhaana wa Taala na nyinyi pia ndugu zetu wa Alhidaaya. Wabillah Tawfiq
JIBU:
Sifa zote njema Anastahiki Allaah Aliyetukuka Mola Mlezi wa walimwengu wote, Swalah na salamu zimshukie kipenzi chetu Mtume Muhammad (Swalla Allaahu ‘alayhi wa aalihi wa sallam) na Swahaba zake (Radhiya Allaahu ‘anhum) na watangu wema mpaka Siku ya Mwisho.
Shukurani kwa swali lako kuhusu tofauti ya maneno katika Ndoa na Harusi. Ni kwamba tofauti inaweza kuwepo baina ya maneno hayo mawili ya Ndoa na Harusi kutegemea mahali anapoishi mtu. Ndoa inatumika kwa maana kuoana kihalali kwa kufunga Nikaah ama harusi ina maana ya zile sherehe zinazofuatia. Ama katika sehemu nyingine hakuna tofauti baina ya ndoa na harusi.
Na Allaah Anajua zaidi