Sifa Na Akhlaaq Za Nabiy (صلى الله عليه وآله وسلم)
12-Zuhd Yake: Hakujifakharisha Kwa Mavazi Akakataza Mtu Kujivuna Kwayo
Nabiy (صلى الله عليه وآله وسلم) alikataza kujivuna au kujifakharisha kwa mavazi yake, Hadiyth zfuatazo zinathibitisha:
حَدَّثَنَا آدَمُ، حَدَّثَنَا شُعْبَةُ، حَدَّثَنَا مُحَمَّدُ بْنُ زِيَادٍ، قَالَ سَمِعْتُ أَبَا هُرَيْرَةَ، يَقُولُ قَالَ النَّبِيُّ ـ أَوْ قَالَ أَبُو الْقَاسِمِ ـ صلى الله عليه وسلم " بَيْنَمَا رَجُلٌ يَمْشِي فِي حُلَّةٍ، تُعْجِبُهُ نَفْسُهُ مُرَجِّلٌ جُمَّتَهُ، إِذْ خَسَفَ اللَّهُ بِهِ، فَهْوَ يَتَجَلَّلُ إِلَى يَوْمِ الْقِيَامَةِ ".
Ametuhadithia Aadam, ametuhadithis Muhammad bin Ziyaad, amesema: Nimemsikia Abuu Hurayrah akisema: Nabiy (Au Abul-Qaasim) (صلى الله عليه وآله وسلم) alisema: “Mtu mmoja alikuwa akitembea na kujiona kwa jinsi alivyokuwa amevaa na jinsi alivyozichana nywele zake, ghafla Allaah Akamdidimiza ardhini, kwa hiyo anaendelea kudidimia mpaka Siku ya Qiyaamah.” [Al-Bukhaariy]
Na pia amekataza kuburuza nguo kwa majivuno:
عَنِ ابْنِ عُمَرَ ـ رضى الله عنهما ـ أَنَّ رَسُولَ اللَّهِ صلى الله عليه وسلم قَالَ " لاَ يَنْظُرُ اللَّهُ إِلَى مَنْ جَرَّ ثَوْبَهُ خُيَلاَءَ ".
Imepokewa kwa Ibn ‘Umar (رضي الله عنهما) kuwa Rasuli wa Allaah (صلى الله عليه وآله وسلم) amesema: “Allaah Hamuangalii mwenye kuburuza nguo yake kwa kiburi.” [Al-Bukhaariy]
Na pia,
Kutoka kwa ‘Abdullaah bin ‘Umar (Radhiya Allaahu ‘anhumaa) anasema kwamba Nabiy (Swalla Allaahu ‘alayhi wa aalihi wa sallam) amesema: “Mtu mmoja alipokuwa anatembea, huku anaburuza nguo yake kwa kibri, alifanywa amezwe na ardhi na ataendelea kudidimia ndani yake mpaka siku ya Qiyaamah” [Al-Bukhaariy]